TEMAT:

Lokomotywa po Śląsku
Lokomotywa!

Jest na banhowie ciynszko maszyna
Rubo jak kachlok - niy limuzyna
Stoji i dycho, parsko i zipie,
A hajer jeszcze wongiel w nia sypie.
Potym wagony podopinali
I całym szwongym kajś pojechali.

W piyrszym siedziały se dwa Hanysy
Jeden kudłaty, a drugi łysy,
Prawie do siebie niy godali,
Bo się do kupy jeszcze niy znali.

W drugim jechała banda goroli
Wiyźli ze soba krzinka jaboli
I pełne kofry samych presworsztóf
I kabanina prościutko z rusztu.
Pili i żarli, jeszcze śpiywali,
Potym bez łokno wszyscy rzigali.

W czecim Cygony, Żydy, Araby
A w czwartym jechały zaś same baby.
W piontym zaś Ruski. Ci mieli życie!
Sasza łożarty siedzioł na tricie.
Gwiozda mioł na czopce, stargane łachy,
Krziwiył pycholem i ciepoł machy.
A w szóstym zaś były same armaty,
Co je wachował jakiś puklaty.

W siódmym dwa szranki, pufy, wertikol,
Smyczy maszyna może donikąd.
Jak przejyżdżali bez Śląskie Piekary
Kaj wom to robiom kółka do kary,
Maszyna sztopła! Kufry śleciały
I każdy latoł jak pogupiały.

To jakiś ciućmok i łajza!
Ciupnął i ślimtoł sygnal na glajzach.
Mog iść do haźla abo do lasa,
Niy pokazywać tego mamlasa!
Potym mu ale do szmot nakopali,
Maszyna ruszyła, cug jechoł dali.
Bez pola, lasy, góry, tunele,
Dar za sobom samym te duperele
Aż się zagrzoły te biydne glajzy,
Maszyna sztopła i koniec jazdy.

Szykowny wiyrszyk ,z tym pisaniem to jest trocha problem bo czasami czeba eksperymentować :ble:

BEUTHER, nic sie nie trop, łod tygo jes ten wontek, żeby eksperymentować

BEUTHER napisał:

Szykowny wiyrszyk ,z tym pisaniem to jest trocha problem bo czasami czeba eksperymentować :ble:

Niystety w pisowni ślonskij panuje wolno amerykonka. Oficjalno kodyfikacja ślonskiego by sie przidała. Wiadomo, że tu problymym jest to, że momy sporo ilość dialektów, łodmian lokalnych i tak dalij...

Zresztom pozostowo kwestia tego czy w końcu ślonski zostanie uznany oficjalnie za jynzyk.

Tu zacytuja fragmynt rozmowy z prof.Jolantą Tambor, kero jest "językoznawcą pracującą na Uniwersytecie Śląskim"

Pytanie: "Czy śląski może stać się językiem?"

Profesor Tambor: "Tak. Jeżeli regionalny język śląski wpisalibyśmy do dokumentów ratyfikacyjnych Europejskiej Karty Języków Mniejszościowych i Regionalnych lub gdyby śląski język regionalny znalazł się w polskiej Ustawie o mniejszościach narodowych i etnicznych oraz o języku regionalnym, to wtedy śląszczyzna, etnolekt śląski, bądź mowa polska stałaby się językiem.
Nie ma argumentów językoznawczych za tym byśmy jakąś mowę uznawali za język lub dialekt. Nie da się pokazać jak dużo cech różniących musi wystąpić między językiem narodowym a mową aspirującą do roli języka, by za tokowy go uznawać. Między kaszubskim i ogólnopolskim, między śląskim i ogólnopolskim różnic jest więcej niż między serbskim a chorwackim, a serbski i chorwacki zostały uznane za odrębne języki narodowe, państwowe, bo taką decyzję podjęły parlamenty obu państw. "

Z tyj wypowiedzi wyciongom optymistyczne wnioski, ale co innego naukowe argumynty, a co innego polityka i biurokracjo...

Ja ino, że zaś Miodek, kery średnio godo godo że to jest gwara a ni język. Ino czekać aż bydą sie za łachy o to targać.

A co do jedzynia to jo zaś bardzo lubia szałot. Jakoś za żurem ni bardzo, chyba mi sie przejod. A obstawiocie, że wiela krepli w czwortek zjecie? Jo wiela wlezie Ale minimum 5

Jo może zjem że 3 kreple a móg bych i pięć krepli zjeść ale niy chca żeby mi zaszkodziyły :lol2:

Jo tam krepli nie lubia aż tak. Za to w niedziela piyrwszy roz som żech się uważył ROLADY! Co żech boł szczyśliwy jak sie okazało że som blank dobre. Żech sie cieszył jak bajtel!

A nici tyż były na roladach bo moja ouma do dzisiej zawijo rolady nićmi żeby sie nie rosleciały

Chyba prawie wszyscy ściskają niciami żeby sie nie rozleciały. Ino niekiere ściągają nici, potem, żebyś nie musioł sie z nimi babrać przy łobiedzie
Beuther, kreple nie szkodzą

Ja, nici muszom być. Moja mama by się za gowa chyciła chyba, jakby łobocyła ile żech tyj nici naciepiol tam heh. Trocha boło ciyżko je wyłonacyć, no ale doł żech się rada.

Moja Ouma mo knif końcówka nici dowo podwójnie i późniyj dowo tak żeby końcówka nici była na wierchu .

A mielicie środek (jak to niektórzy godajom dusza) czy mocie wszystko w konskach?? Bo widziołech i tak i tak. Jeszcze z takich naszych to bardzo szałot lubia ino do niego musi być jakiś dobry wuszt

Dzisiej we Dzienniku Zachodnim łosprawiano o godce, czy naszo godka to język czy gwara.
Jakie wy mocie łotym zdanie, bo mnie sie zdoje że naszo godka to język a niy zadno gwara.
Tukej mocie ta debata o godce ślunskiej.

www.dziennikzachodni.pl/slask/ry ... ,id,t.html

Wiesz, mi sie może zdować jak żech nie jest językoznawca, bo nawet książkowej definicji języka nie znom. Ale jeśli godają, że kożdy język ewoluuje, to gwara może ewoluować do języka, przynajmiej tak mi sie wydaje.

Dobra, znocie jakieś przykłady "znęcania" sie nad gorolami przez tych co godajom?
Bo jak żech boł na warsztatach szkolnych downo tymu, to majster wysyłoł ludzi z kiblami po sztrom, a Ci szukali

niystety w pisowni ślonskij panuje wolno amerykonka. Oficjalno kodyfikacja ślonskiego by sie przidała

Kodyfikacyjo ślónskigo jynzyka jus je łod pora roków szafniynto, i niy ma ciynżko sie ji naucyć. Tela trza przi tyj kodyfikacyji przetuplikować iże we zdaniach słowach kaj ciynżko pedziec cy je o cy u, za o/u dowomy ō, a przi łączyniu ło dowomy Ă´. Na przikłod nasz hajmat to je Wiyrchny Ślōnsk, a niy gafcymy bez łokno, ino bez Ă´kno.

obra, znocie jakieś przykłady "znęcania" sie nad gorolami przez tych co godajom?
Bo jak żech boł na warsztatach szkolnych downo tymu, to majster wysyłoł ludzi z kiblami po sztrom, a Ci szukali

Kupi u nos lajter we geszefcie jak ftoś bół ze altreichu, abo niy poradziół po ślónsku to bół dycko posłany po kibel sztromu, po coroki do szpindu, itd. . Wiycie jaki przi ty je szpas?, niy mocie anunga cheba :lol2: Nojlepi bóło kej pedzioł jednymu ze cyntrum Bytomia "Weź kara i idź przyźnij tyn liguster, a ajchle wciepnij sam rein do hasioka" :lol2: